ما كان عنا في اي مظاهرات او فعاليات ليوم المرأة، على القليل ما كان فيه شي سمعت عنو او حدا دعاني عليه… ليه؟ صح ما انا مش من نساء الطبقه المخمليّة اللي قضوا النهار عاملين ريسبشن بيحكوا عن وضع المرأه (يا حرام) و هم بياكلوا جاتوه و بيستلموا باقات الورد و الزيف الأجتماعي. طيب و المسحوقات اللي ماكلهم الفقر و الظلم بكل أشكالوا؟ عمرينهم…
كتير في اشياء ما عدت افهمها بهالبلد، بس صدف بيوم المرأة اني طلعت جولة لعند جدار الفصل العنصري مع مجموعه من نساء، و بكل محطه عالطريق كان في اشياء تذكرني… أول تذكار كان بـ رام الله. وقفت عند الـ ATM و كان وراي رجّال بيحكي مع واحد تاني بيقولوا :”شفتلنا هالعروس اللي قلنالك عنها؟”… كأنو عم بيحكي عن شقه او عفش مستعمل (بس اعوز بالله ما تطلع العروس “مستعمله” بتصير مشكله بعدين و شرف العيلة بيصر على المحك). و يا عين يا ليل على يوم مرأة
