والله انا مش مدونة وما عندي وقت للتدوين لكن مين عارف يمكن بيوم احترف التدوين لهيك عملت هالمدونة يمكن انه احتاج في يوم اكتب شي لكن كوني بنت عربية اذا اعطيت لنفسي المجال انه اكتب واحكي مش راح الاقي وقت لآكل من كتر ما انا محشره في روحي أشياء كتيره على كل حال انا ناطره نفسي اذا راح بكتب عندي مدونه واذا ماكتبت عمريني,
طيب اذا كتبت شو فيني عالج؟؟
الاحتلال؟
المجتمع؟
ما في كتير مساحه للحيره و ما في كتير خيارات. الـ 2 المذكورين كلهم طرق و وسائل منظمة لتدمير الأنسان. بالحقيقة و الواقع حربنا ضد الاحتلال و الامبرياليه ما بتنفصل ابدا عن الحرب اللي لازم نخوضها داخليا في مجتمعنا لنحصل على حقوقنا و نكسر كل القيود المتخلفة اللي محيطه فينا. منطقيا، كيف ممكن انو نحرر بلد لما نسبة كبيرة من اهلها مضطهد و مسحوق داخليا من عادات و تقاليد وطرق تفكير ما الها لا بالدين زلا بالحضارة؟ و بنفس الوقت اي كرامة للمرأة لما في احتلال بيذكرها كل يوم انها مش حره؟ و كيف ممكن تتحق الحرية لمن في ناس بهالبلد كل تفكيرها انو كيف تصير صاحبة مناصب وبينسوا انو في احتلال بيحرقه في لحظه هو ومنصبه وكل عيلته, لأ وكمان بيتفلسف علي كمواطن وبيعمل حاله مؤتمن حتى عتفكيري!!!
ليست هناك تعليقات:
إرسال تعليق